Sognefjorden panorama
Lørdag 5. juni arrangerer Høyanger og Balestrand Turlag og Ytre Sogn Turlag fellestur over fjella som går langs E39 frå munningen på Vadheimsfjorden til Indre Torvund.
Vi går løypa frå Avsnes til Indre Torvund via Fløyen 764 moh, Hatlelifjell 781 moh, Duken (Tjørnebotnsstølen) 480 moh og Blåfjell 719 moh. Turen byr på storslagen utsikt i alle himmelretningar. Vi ser mellom anna Storehesten og Blegja i nord, fjella i Stølsheimen i sør, Bråsviksåta i Gulen og Lihesten i Hyllestad i vest og innover mot Fresvikbreen i Vik i aust.
Vi møtast på parkeringsplassen ved E39 på Indre Torvund, ca. 400 meter vest for Noreviktunnelen kl. 09.15. Vi prøver å samkøyre frå Indre Torvund til parkering og turstart ved Avsnestunnel. Ta med munnbind som eventuelt kan nyttast i samband med samkøyringa.
Turen er middels krevande. Turen startar på ca. 50 moh og går forsåvidt bratt opp, på fin sti, til Fløyen på 764 moh. Etter dette går turen i forsåvidt lettgått terreng. Vi reknar med å bruke 8-10 timar på turen. Ta med mat og drikke.
Turleiar frå Balestrand og Høyanger Turlag: Anita Taftø, mobil 993 12 587
Turleiar frå Ytre Sogn Turlag: Marit Gjersvoll, mobil 993 55 314
Alle må fylgje dei nasjonale smittevernsreglane, og deltakarar må melde seg på turen.
Velkommen på tur!
Sognefjorden panorama
Lørdag 5. juni arrangerer Høyanger og Balestrand Turlag og Ytre Sogn Turlag fellestur over fjella som går langs E39 frå munningen på Vadheimsfjorden til Indre Torvund. Vi går løypa frå Avsnes ...Kontaktinformasjon:
Turledere:
- Marit Gjersvoll
- Anita Taftø